金滿庭京川滬菜館 (九龍東智選假日酒店) (已結業)

几年前都系去礸石山嘅分店，一个月起码去两次，因为会有Coupon送返，要喺指定时间用。知道将军澳区一间酒店开分店，即刻勾起我对𠮶只大圆蹄嘅热诚。一去到客人唔少，餐厅设计比较优雅，设有卡座，我哋两个安排喺中间比较逼嘅座位。服务方面侍应有笑容有礼，亦好殷勤，我每次都会食大元蹄，而职员会好心同我哋讲好大只两个人未必食得晒。黄金熏蛋，淡淡嘅烟熏味，蛋黄流心，味道唔错。花雕醉鸡，鸡肉亦算嫩滑，但酒味唔够。招牌熏鱼，个人觉得一麻麻，太干。京烧羊腩，好香嘅羊膻味，好香口，好味😋。红烧元蹄，呢度整得好好，好淋又冇渣😀。侍应帮我哋起埋肉。