Sol House Oyster Bar and Restaurant

约咗朋友未黎齐，叫住野食食住等啦！可能肚饿关系，望见个炸洋葱圈香喷喷热辣辣，其他人影都未到，就已经KO晒🤤🤤🤤之后食嘅几个主菜都几正！👍🏻睇到餐牌，见到牛菜式，都用高级和牛为主，紧系要一试啦！烤焗和牛骨髓配阿根廷香草酱，和牛牛骨髓都有我成只手掌✋🏽咁长，好香牛嘅油脂，搽落松软法包，正啊，怕腻的话，就再伴多啲香草酱平衡番。🐮🐮🌿红酒烩和牛膝配红花烩意大利饭，个红酒酱汁虽然挥发晒啲红酒味，不过味道就好夹个牛膝，牛膝烩到入晒味，肉质腍嫩，无牙都食到啊。😬😬🤭烤西班牙八爪鱼脚配辣肉肠烩薏米，要知道八爪鱼脚好难自家煮，因为煮得耐咗淋巴巴无口感，煮得唔够又会咬唔开，今次呢个要拍手👏🏻煮得啱啱好，咬得到，保持弹性，刚刚好嘅嫩度，调味适中，食到鲜味！🐙🐙🐙最后朋友用OpenRice book嘅，有八五折优惠，平均每人先二百几，好抵食！👛💰💰👍🏻👏🏻😆