慢煮屋 (已搬遷) 新店位置

观塘对我黎讲又爱又恨，成日都咁多人又塞车又远，但同时佢实在有太多小店我想试。呢间bookmark左一阵子，终于有要去观塘既时候可以去试。 佢身处系一座好多人去既工厦，店面好细都唔系坐得特别舒服，不过小店就系咁架啦选择唔算多，一目了然。第一样吸引我既就系个牛腹扒丼加20蚊可以有旧鹅肝！啲牛慢煮至7成熟左右，食落口感几淋而且有牛香。份量都几足，好多旧牛！而鹅肝20蚊黎讲都唔算细旧，一咬落去系爆油，阵阵鹅肝香！正好快送哂碗饭。呢个三文鱼骨即叫即整，热辣辣。外脆内滑，不过个汁可以再浓味少少。呢杯奶茶就普通小小，唔系特别香浓，不过胜在唔会好甜。