清雅越南粉

营业中

休息中

好友推介呢间越南餐厅，特登约埋朋友山长水远入何文田试下。餐厅座位有限，好彩早到，如果唔系都唔知要等几耐位啦。而且都见好多人外卖~~~餐牌款式都算多，有饭有面，仲有越南小食。平时去越南餐厅都系食开生牛肉河，不过见到呢间有碗好特别既面，就系蟹膏汤粉 (内有猪肉碎、蟹膏同札肉)，可选河粉或檬粉，最紧要价钱又唔贵！个汤底有D似龙虾汤，唔洗加鱼露/青柠/辣椒都已经好好味啦..另一碗就系鸡丝札肉河粉同平时越南餐厅差唔多味道...呢间既香芧猪排饭都唔错，个猪排唔会好un又够味~~另外再叫左两个小食，庶虾同粉包~~个庶虾大大件，碌庶又甜，加埋泰式辣酱，食过番寻味粉包就麻麻，无乜味道，而且无酱汁最后就系饮品啦~~大多数都系饮青柠梳打，夏天饮够解渴！