101手工涮涮鍋 (金朝陽中心二期 - Midtown)

营业中

休息中

原来101火锅依家得返铜锣湾分店….真系生意难做呀…星期五嘅订座已经满晒，唯有星期四晚吃，所以要吃真系要早订位。叫左最平嘅$408牛肩任点任食火锅，配台式麻辣冬瓜卜卜蚬汤锅😋冬瓜劲大件，蚬新鲜甜美，差唔多有成30粒咁多，汤底香辣惹味，不过滚到中段实在太咸，忍唔住要盛起一半汤底加冻水沟淡佢先送左一碟手切牛、一碟黄金鱼皮同新鲜炸起超大碌响铃，又香又脆，不放汤都好味。牛肉有鲜浓牛肉味，猪肉片都好好味，其他料都好新鲜，配料多到我地只叫左一轮都吃唔完。饮料都有几十款，重点系连酒精饮料都任叫任饮，好酒之人一定不可错过，重可以去露台小酌一会再返埋位打边炉，不错😋饮品推介可乐乌梅沙冰，酸酸甜甜好解腻。