影片
更多
2020-10-17
891 浏览
今次喺黄埔食嘢去咗雷霆保龄附近揾食，上到美食广场见到佢个名几得意就决定入去试吓了🤣午市套餐有二十款拣，价钱都算合理适中，而且加四十蚊就可以多两款小食，非常抵食！不过𠮶日唔食得太饱所以冇嗌。。。叫咗一个茄汁牛腩汤河＋冻柠檬柚子蜜，大概三四分钟就有得食好快手！食物同饮品嘅温度都恰到好处，上台嘅时候已经闻到淡淡嘅茄香味🤤牛腩切开好多粒正正方方放入口非常方便，粒粒都筋肉分明，口感软腍入口即溶，味道浓郁而唔腻口，正！河粉嘅份量啱啱好，汤底亦都食得出有淡淡嘅番茄味，不过个人认为可以茄味再浓少少～饮品方面都尚算唔错，柚子蜜有好多就算冰块溶咗都唔会好淡，不过柠檬得一片，多啲会感觉好啲～整体感觉非常满足，下次再嚟会叫埋小食试吓😋
午市套餐有二十款拣，价钱都算合理适中，而且加四十蚊就可以多两款小食，非常抵食！不过𠮶日唔食得太饱所以冇嗌。。。
叫咗一个茄汁牛腩汤河＋冻柠檬柚子蜜，大概三四分钟就有得食好快手！食物同饮品嘅温度都恰到好处，上台嘅时候已经闻到淡淡嘅茄香味🤤
牛腩切开好多粒正正方方放入口非常方便，粒粒都筋肉分明，口感软腍入口即溶，味道浓郁而唔腻口，正！河粉嘅份量啱啱好，汤底亦都食得出有淡淡嘅番茄味，不过个人认为可以茄味再浓少少～
饮品方面都尚算唔错，柚子蜜有好多就算冰块溶咗都唔会好淡，不过柠檬得一片，多啲会感觉好啲～
整体感觉非常满足，下次再嚟会叫埋小食试吓😋
茄汁牛腩汤河
$68
24 浏览
0 赞好
0 留言
张贴
