Gusto Restaurant & Bar (已結業)

2017年的最后一个工作天，午餐当然要约闺蜜聚一聚！lunch得果60分钟，梗系要揾一间又近、又企理、又舒适既餐厅先得！大家都系铜锣湾返工，就求其话去V Point食，上到去见到间嘢门面几企理，装修都四正，就谂都唔谂行咗入去。（门口果个黑衫哥哥好有礼貌，值得一赞！）见到lunch menu有risotto，但又惊好硬，lunch食硬嘢无咁开心嘛，就即刻揾返黑衫哥哥问吓，佢好详细咁解释俾我同姊妹听唔会架，叫我地放心食。听完佢讲即刻，同闺蜜一个点牛肝菌risotto，一个点鸡肉risotto🤤味道一流！ 淋得嚟唔会好似烂饭咁，入口有咬口！仲有个鸡肉，唔会干争争，仲好够味，出面食好多都系白烚，零味，呢个鸡肉出呼意料，非常好唔错！！！！！总括嚟讲，每人$80，铜锣湾，有服务，有质素，有味道，仲想点？正正子啦！