花貝日本料理 (已結業)

前几日同朋友去CWB揾饭食，咁岩去呢头又想食日本野，所以就试试呢间。胡麻酱烧黑豚肉沙律 – 喺热辣辣嘅天气食清新沙律真系享受，呢个沙律好足料，黑豚肉份量都好多，沙律菜脆口新鲜，小蕃茄酸酸甜甜好开胃。烧物三味分别系 – 鳕鱼干、烧沙甸鱼笛干同埋味醂河豚鱼干，噢！如果配埋冰冻啤酒真系人间享受。（上）杂锦刺身拼盘 – 总共有9款刺身，每款都新鲜，特别一提系赤贝同吞拿鱼腩，肥美之余味道香浓，唔错唔错。黑椒烧赤鸡 – 看似平平无奇，但系真系好好食🤩🤩，4个字「皮脆肉嫩」。讲紧鸡胸位都做到嫩滑唔系汤渣质感，果然每样野都不可以貌相。米牛寿喜烧 – 上枱时我同朋友都哗一声，好！足！料！㖞！米牛都重牛味但无和牛咁腻，其余配料都系寿喜烧嘅好朋友，吸晒汤底精华，食完好满足好饱。饭后仲有甜品 – 焦糖炖蛋、杨枝甘露同水果，我觉得食嘅次序应该系杨枝甘露，然后焦糖炖蛋，咁样就可以完美发挥到两种甜品嘅味道喇😀呢一餐我同朋友都满足，加上餐厅环境几好，座位之间距离充足，都系聚会嘅好地方。❤️