漁釧 (V Walk)

营业中

休息中

而家由钻石山去南昌真系方便好多，几个站直到😎V walk，多野行，食店又多。今日放假特意带妈咪黎呢个商场行下食下，好快消磨左一个下午。又到晚餐时段，预先已于渔钏订咗枱，好快等左一阵就安排倒坐位；餐厅极巨日式居酒屋🏮风格，以木系做主打色调，整体感觉干净整齐，店员亦有礼貌☺️。先黎一个沙律做下前菜先🥗网烧牛肉野菜沙律🥗，份量好多，沙律醋甜酸度适中，沙律菜好新鲜，牛肉烧至约5-6成熟，中间仍见非常粉嫩，入口嫩滑。🥢铁板牛舌，呢个比起盐烧牛舌串烧，因为较薄，口感冇咁丰富，但系味道就较好，入口易咬牛舌味浓，铁板底铺上满满半熟洋葱🧅丝增加香气。🥢活鳗鱼串烧，两件好厚身，外层烧至微蕉，一啖咬落去，够弹性，啖啖肉，油花系口腔漫游，味道极之丰富。🥢烧鸡颈串，鸡颈第一次食，柔软多汁，肥瘦适中肉质有嚼劲，呢个下一次必定系encore之选🥢海虾什锦天妇罗，薄薄一层粉浆，外层唔会好油腻，海虾有3大只，炸至挺直，非常新鲜，另外仲有矮瓜🍆、鲜冬菇、南瓜🎃同豆。