影片
更多
2016-10-02
1868 浏览
平日午餐惯常食杯面嘅我，偶然都会去呢度同同事或朋友饭聚，无他嘅，一嚟方便，二嚟较平(员工有七折！)，最重要嘅系支持自己机构嘅社企，支持一班复康服务嘅学员。朋友工作唔开心，想约我食饭倾诉，佢嚟机构揾我，我请！呢度嘅流程系睇餐牌后排队买飞，之后拎住胶牌埋位，学员会将餐奉上，佢哋虽然比常人有少少缺陷，但大多好勤力、好有礼貌！我叫肠蛋饭+热华田(原价$33)，朋友要金沙骨饭+汽水(原价$39)，我系员工有七折，抵到笑！卖相好靓，尤其系只荷包蛋，煎得好好，半生熟，啱我用嚟捞饭！肠仔亦ok, 我问柜面攞咗一碟仔茄汁，全部搅埋一堆，连埋有营养嘅杂菜，色香味俱全！唯独饭嘅份量对我嚟讲实在太多，我未食前分咗啲俾朋友！朋友个金沙骨饭𩠌同饭分开上，份量亦多，我见佢同我边食边倾，全部清哂，睇嚟味道唔错！以前午餐会奉送汤+饮品，宜家只能二择其一，不过对我嚟讲仲好，唔驶咁饱嘛！总括而言，环境舒服，卡位更好，但午餐时段好多人，有时被逼搭枱感觉麻麻地！经理同员工态度都唔错！唯独我向经理反映过希望饭类可以多个意粉选择，但佢表示做唔到，因意粉放耐质感会变，感觉有啲失望！呢度嘅餐牌有一半每星期会转花款，但肠/餐肉/火腿煎蛋
朋友工作唔开心，想约我食饭倾诉，佢嚟机构揾我，我请！
呢度嘅流程系睇餐牌后排队买飞，之后拎住胶牌埋位，学员会将餐奉上，佢哋虽然比常人有少少缺陷，但大多好勤力、好有礼貌！
我叫肠蛋饭+热华田(原价$33)，朋友要金沙骨饭+汽水(原价$39)，我系员工有七折，抵到笑！
卖相好靓，尤其系只荷包蛋，煎得好好，半生熟，啱我用嚟捞饭！肠仔亦ok, 我问柜面攞咗一碟仔茄汁，全部搅埋一堆，连埋有营养嘅杂菜，色香味俱全！唯独饭嘅份量对我嚟讲实在太多，我未食前分咗啲俾朋友！
朋友个金沙骨饭𩠌同饭分开上，份量亦多，我见佢同我边食边倾，全部清哂，睇嚟味道唔错！
以前午餐会奉送汤+饮品，宜家只能二择其一，不过对我嚟讲仲好，唔驶咁饱嘛！
总括而言，环境舒服，卡位更好，但午餐时段好多人，有时被逼搭枱感觉麻麻地！经理同员工态度都唔错！唯独我向经理反映过希望饭类可以多个意粉选择，但佢表示做唔到，因意粉放耐质感会变，感觉有啲失望！
呢度嘅餐牌有一半每星期会转花款，但肠/餐肉/火腿煎蛋饭则全年提供，大家想试可随时嚟帮衬！
俾多个阿肥推介大家：墨西哥风味卷！如果你有幸遇到一定要试！暖暖又香软嘅饼皮包住鲜嫩多汁嘅鸡肉同杂菜，加一小堆沙律伴碟，真系美味到晕！如果你有幸嚟到见到menu有呢款，记得拣呢款试吓！试完同我分享吓你嘅感受！
张贴
