Burger Bar (已結業)

昨晚係中環IFC 逛完之後就到朋友想食漢堡之類既餐廳，經openrice一search 就搵到呢間專賣漢堡既專門店！店舖不太大，只係擺到4-5張檯，好彩去到仲有少量位置，不用花太多時間等位因爲都幾肚餓下😅😅我地睇完menu 之後就叫左：大蘑菇扒漢堡另加煙肉同招牌流心芝士漢堡，另+$18就有半份沙律同+$22 半份紫菜薯條🍟，等左15分鐘左右就個yummy 漢堡登場啦！真係即叫即做，正呀！呢度最貼心就係佢有埋手套比你可以唔洗整到隻手好dirty。個肉扒好 juicy 配流心芝士好match,係漢堡面有少少油之外食啖沙律🥗去中和一下😋，另外個大啡蘑菇扒原來拎黎配搭漢堡另有一番風味，超甜超多汁，之後個紫菜薯條熱辣辣配埋紫菜粉好好味，一食就我地2個都停唔到口咁😆😆，之後叫埋2杯野飲：柚子綠茶同椰青水，岩岩好！好滿足既一次漢堡大餐！😊