MOS Burger (已結業)

东港城有VR游戏限定体验，我一直都想去玩下，咁啱朋友就约我去，但未玩之前一于去医肚先，我所知玩VR 都几消耗体力，唔食饱真系无力玩。今次揾mos burger，我都好耐无食过，因为星期六，中午时间真系好多人，立即去买个餐，买左个“摩斯芝士汉堡“餐，配埋薯条、汽水。买完可以揾位坐定定，等职员攞份餐来，个包好足料，块汉堡肉牛肉味重，仲有少少肉汁，中间有碎洋蒽同埋蕃茄酱，洋蒽生生地，所以食落会有点辣，反而辣辣地仲好食，至于薯条无得输，系我至爱的粗薯条，即叫即炸，特别香口好味。