MOS Cafe

营业中

休息中

心血来潮想食汉堡，于是就去Mos Cafe。Mos Cafe同Mos Burger唔同之处就系多咗饭、意粉餐，仲有甜品。不过由于一心想食汉堡包，所以就冇试饭/意粉。为咗好好奖励下自己就叫咗个和牛汉堡，跟餐配鸡件，同转饮抹茶鲜奶，总共$72。同朋友share鸡件同薯条。丰富嘅一餐，平时系环境好d嘅餐厅食个汉堡都分分钟近$100。Mos Cafe虽然都算快餐，都唔系话太多人，位都坐得舒服，仲好好彩有窗边位，所以以呢个环境、价钱黎讲真系几适合穷L。食物质素中上。和牛汉堡好厚身，足料，淡淡肉好满足。食落好juicy，再加上厚切鲜蕃茄，更加juicy。食得出个饱有烘过。成个饱用上BBQ酱，酱分量刚刚好，唔会多到整到个包淋晒。如果要讲失望之处系明明海报见到有芝士，但食落唔觉有。不过难得地冇芝士个包都好好味。抹茶鲜奶正常发挥，好同意友人所讲嘅「抹茶鲜奶好难整得差，整得差嘅话间餐厅都... 」（Law, 2020）。