Total B (已結業)

睇左几遍食评，都赞扬Total B食物质素有保正，今日专登去试下。天气炎热，行去亨成街系有啲辛苦，星期日下午1点几，成条街多间餐厅都唔full，全部可以直入坐底。去到Total B，系街尾位置，里面得3pair情侣，仲有几枱吉位。入面无乜特别装修，好普通简陋。叫左两个burger，一个传统牛肉汉堡，另一个是烧烤风味牛肉汉堡。味道系唔错，面包好香口，大量芝麻，我觉得太多，食既时侯，吸左入喉咙，咳到呢！老实讲，个汉堡扒系有牛味既，有一定厚度，不过，size太细了，咬左几啖都未食到块汉堡。之前有人post个汉堡好巨型，我就无试唔到啦！夸张左啰！同我食果件差2/3啦食到一半，由于个汉堡加埋啲酱汁，集中在包既中间位置，不小心用力一夹个包，未食既半块汉堡飞左落地，无得食。总括而言，成80至95蚊一个burger，试左就算。