花華 (已結業)

衬放假，去试下呢间朋友一直推介喺马鞍山嘅隐世小店。店内装潢休闲舒适，座位不多，好多时都大排长龙。不过好在今日星期日四点，等咗十几分钟就有位啦。原本谂住试佢现制手工意粉，点知已经售罄，但无减美味惊喜。绿茶黑豆scone：切开𠮶一下就知道外脆内软，面皮薄薄，里面保持湿润，口感一流！绿茶味香浓，同黑蜜豆好夹。本身已经好好食，点知酱料仲惊喜！佢用加咗栗子碎嘅软芝士，食落香甜nutty而不油腻，口感味觉新鲜，最啱好似我呢啲唔钟意食忌廉嘅人嘅口味！荷兰pancake：冇得食意粉，朋友叫咗个荷兰pancake，外皮松软有奶香，火腿同溶咗嘅芝士食落好juicy，加埋少少cranberries 喺啲沙律菜上面，食得又睇得。绿茶latte （改豆奶）：绿茶味超级香浓，淡淡嘅豆奶令绿茶味更突出，一个字＂正＂！小店人手唔多，每样食物都系用料出色嘅精心制作。下次一定要试埋朋友极力推介嘅手工意粉。