WM Café & Bar (科學園) (已搬遷) 新店位置

今年复活节假期，系咁多年以来唯一一次留喺香港，亦都因为有好多地方封咗或者唔开，悠长四日假期都唔知做啲乜，所以决定四围行吓，今日就拣咗科学园同埋附近嘅海边散步，实际人数冇我想像咁少人，但好在都唔算多人。科学园入边都有好多舖头开咗，但实际都冇乜科学嘅东西可以参观，喺海滨漫步后再到科学园入面边行咗一转，觉得有啲攰想揾地方坐低食个下午茶，先至发现其实入边嘅餐厅数量都唔少，由平至贵任君选择，呢间餐厅价钱比较大众化，亦有好多露天座位同室内座位，装修简约。下午茶餐嘅款式都几西式，我哋叫了：烟三文鱼牛油果牛角包配薯条、意式茄汁肉丸、芝士蛋糕及全日早餐，份量都合理，食完野饮埋杯咖啡，在喺附近行多一阵先至返屋企。