新惠和

营业中

休息中

环境餐厅几近塔门码头，系由码头行过黎的第二间餐厅。星期六午饭时间都几多人，坐满晒，有啲人要系餐厅出面等位。但餐厅入面都干净，不过通常都要搭枱。 食物话说星期六食晏时间太多人，但系煮野食的人就得一个人，所以我地等左成一个钟先有野食⋯ 所以周末去的话，唔想等嘅朋友真系要谂清楚呀！1）海胆炒饭 $100（评分：8.5/10）等到好肚饿，唔知系咪因为咁，觉得碟炒饭好好食😂 炒得几香口，个人认为海胆味都足够，一上菜都闻到海胆味。不过海胆已经炒到散左，所以就唔会食到一旧大海胆。但炒饭都几干身，又唔咸，食落觉得味道控制得刚刚好！2）无冷冻奶茶 $28/支（评分：7/10）依间其中一个卖点系全港首个无冷冻奶茶😂 奶茶都几滑，奶茶味都几香，香味会停留喺口中一段时间，但系略嫌有点太甜。 服务服务普通，店主系一个婆婆和姨姨，小本生意，不能要求他们很快上菜。周末去光顾的朋友要有心理准备，等候时间可能很长。