潮丸 (已結業)

今次同朋友一齐黎呢度食嘢。我地两个点左招牌牛丸王同自家牛三鲜两碗粉。牛丸听老板讲系由潮汕个边运落黎香港，所以味道同我以前去潮汕旅游时，食到嘅味道，一模一样！绝对系真材实料！牛腩，牛肚，牛筋，入口即化，口感非常好！我地仲点左卤水豆腐，配搭辣酱以及蒜蓉酱，十分美味！又点少得叫嘢饮呢，我地点左热嘅香橙热情果蜂蜜红茶同埋冻嘅黄柠檬乳酸雪碧特饮。热情果个杯，未饮，已经闻到好香嘅热情果味，加埋橙味，味道配搭融合。雪碧特饮呢，柠檬、乳酸、雪碧味，互相配搭之余，亦能细细分别出个别的味道，清新爽口，层次丰富！总之一句话讲到尾，实会做回头客。