潮丸 (已結業)

上个礼拜一难得老细恩准我提早收工，就梗系即刻叫埋男朋友去位于筲箕湾新开嘅潮丸，食番个下午餐啦！之前经过就已经想试，但唔系赶时间，就系约咗人食其他嘢。既然今日得闲，就要试试佢啦！餐厅装修以八十年代怀旧风为主题，风扇、地板、吊灯，全部都系富有旧香港特色嘅历史家具，啱晒我呢个小文青。落单唔够十分钟，皇牌炸牛丸小食就嚟啦！大大粒，咬落去极度弹牙，仲会爆汁架，口感绝对一流！！身为鸡翼控又点少得鸡翼架！呢碟炸鸡翼一啲都唔油，外脆内嫩，肉质鲜甜，唔会太咸，又唔会太老，大推！墨丸河个汤底一啲都唔简单，混合咗猪骨同鸡嘅清甜、浓郁，绝对真材实料，童叟无欺！大大份嘅咖哩牛腩饭，两个人食啱啱好。话咁快就食饱饱，结果加埋百几蚊都唔洗，抵食！整体嚟讲，我同男朋友都好满意呢间餐厅。潮丸绝对系良心企业，街坊朋友值得一试！