十里潮香 (已結業)

行街行到攰，虽然只系六点到，但都决定去食晚饭啦，系众多餐厅中拣左潮州菜食，入去时人唔多，但愈来愈多人啦，食饭时间就坐满人，好彩黎得早！先先叫左两个汤润润喉咸菜胡椒猪肚汤，猪肚好林，好香胡椒味，饮完成个身暖晒！花胶向螺猪展炖汤好多料，有鸡、螺头、大大块花胶。有甘多料，个汤唔洗讲都知好浓，好清甜，好润。卤水拼盘-鹅肠、鹅肝、鹅胸超正！卤水好入味！鹅肠超爽脆！薄薄地既肠皮痴住少少肚膏，正！平时食鹅肝多数系煎，卤水真系少食。鹅肝味好浓，好creamy既感觉，唔会腥，又几好食㖞，有另一番风味！鹅胸肉，稔得黎爽爽地，做得唔错！盐香元朗冻乌头鱼尾有元朗鱼场既出世纸，好新鲜，好多肉，咸咸地。中意佢个豆豉酱，之前食过其他潮州菜，个酱好咸，呢个刚好，唔会太咸，点少少食，提升鱼既味道！冻花蟹好好彩，我地无订到，但有货，二话不说就叫左！蟹好大只！肉好鲜味，爽，唔会梅晒！啖啖肉，超正！少食拼盘有芋头粿、韮菜粿、土豆粿等，材料丰富，即叫即整，热辣辣！好满意呢餐！食物质素好，价钱唔贵，值得再黎！特价餐都几抵！