百樂小館 (已結業)

今晚同同事去左美丽华食潮州菜。店舖装修得几新颖雅致，地方阔落。侍应问我地要咩茶，因为经系晚饭时间，我都唔想饮咁浓嘅茶，好惊瞓唔着，所以我反问佢哋有咩茶可以选择。原来佢哋有性质比较温和嘅菊花茶。之后我哋点咗个炖汤，非常足料，有鸡有虫草花，仲有猪肉，螺头同鱼翅群，饮落真系好正。另外仲叫左个黄金炸双枣。虾枣同蟹枣炸得一啲都唔油腻，用料十足，咬落仲有啲爽爽地嘅感觉，唔知系咪用咗葛丝呢。我哋仲点左个沙茶酱炒河粉。个沙茶酱非常嘢味，令我禁不住食完一啖有一啖。最后我哋叫咗甜品，我从来都未食过芋泥，原来真系好好食，芋头味好香，质地又绵又滑，而且唔太甜。呢间潮州菜馆食物质素高，值得推介。