心夜來潮 (已結業)

好耐冇食潮州菜，咁岩又有朋友介绍，所以等埋男朋友放工，一齐去旺角食。呢间餐厅系楼上店，要行2层楼梯，营业到凌晨，住附近既人真系有食神。餐厅全部木纹枱櫈，好有中餐风味。每枱重有一壶凉水，夏日炎炎，好清凉。餐牌有吾同菜式，重有好多款海鲜，好似系新菜式黎，几有趣，样样都好似好好食咁。甜虾(新菜式)d虾好爽口，又弹牙，全部都腌左酱汁上枱，好入味，完全吾腥。酱卤鹅片切片上碟真系好方便食，份量都吾少，点埋醋，岩岩好。重有炸豆腐铺系鹅片底，好有酱卤味，好入味，大大件，又嫩。金沙宝宝宝呢碟个名好好笑，其实系蛋黄炸鱿鱼，重有芋丝、银鱼同腰果铺系底。上碟就有浓浓既蛋黄味，鱿鱼又爽口新鲜。而腰果就好脆，好好味。樱花虾榄菜炒饭炒饭吾湿，粒粒分明，好香口，配埋樱花虾、翠玉瓜粒，估吾到几有口感，份量都吾错。