潮州人

营业中

休息中

逸东酒店𥚃面有个food court，你可能未必知道，𥚃面仲有好多选择，咖喱、牛扒、乌冬、汉堡、丼饭、泰菜、越菜、住家饭等等，试过丼饭同乌冬都未如理想，今次试呢间新店就一试爱上，以后嚟又多个选择。🥢星级手切牛汤米粉(小)$73 ⭐️⭐️⭐️⭐️如果你钟意食生牛肉，就一定要试呢个星级手切牛，呢款牛系生嘅，就好似越南生牛肉河咁，不过呢度嘅汤唔会太滚，所以牛肉唔会浸熟，但我觉得生生地几好味，牛味浓口感软熟而且一啲都唔肥，一碗有成6、7块牛，好抵食，米粉弹牙烟韧，一碗小嘅份量刚适合女士，如果唔想食米粉，都可以转白饭或者菜底。🥢葱油广岛蚝+竹蔗茅根水 ⭐️⭐️⭐️⭐️+ $19转套餐，有一个小食同一杯饮品，我想食葱油广岛蚝(3粒)，所以要额外+ $13，广岛蚝真系整得好好味，口感滑溜到似生蚝，蚝味重无雪味，大大只好饱满，下次嚟要加码先够喉。一人共消费：$108