樂園潮州粉麵 (已結業)

美孚区如果想打冷，好彩都仲有呢一间。今日同爸爸到呢间小菜馆打冷，爸爸最钟意食嘅系佢嘅橙色墨鱼🦑，贪佢够弹牙，我就系叫咗鱼蛋河，鱼蛋弹牙，河粉够滑，再嗌左个煎蚝饼, 蚝饼入面有好多蚝仔，非常足料，啖啖香脆，食完一个都已经饱咗八成。不过我哋都好钟意食蚝仔嘢，所以再叫多个蚝仔肉碎泡饭，同样系咁多豪仔，细细粒加埋菜谱同芫荽，又香又惹味。不过卫生方面认真麻麻，个地下油粒粒，食完行出店舖个鞋底黐粒粒，一路食一路有蚊之仔周围飞。希望店舖搞搞卫生之后，生意蒸蒸日上。