潮樂園 (和富道)

营业中

休息中

晚上相约朋友出嚟猎食，听闻北角一间潮州打冷餐厅好评如潮，而且又够就脚，一于去试试真伪！一入到嚟已经见到六块大牌匾写住餐厅嘅招牌菜：鱼蛋墨丸﹑牛坑腩﹑卤水﹑蚝仔粥﹑冻花蟹，头五项都算系潮州打冷常见菜色。哇，竟然仲有巴基斯坦咖哩，真系估佢唔到。内里装修基本类似一般茶餐厅，但墙壁和家私都很新净，估计新开张不久。第一道菜当然要试试潮州打冷嘅必食经典菜色一一卤水拼盘（＄１２８）。呢到嘅卤水拼盘分鹅类与非鹅类，鹅类包括狮头鹅掌翼﹑鹅头颈和鹅片。非鹅类则多很多选择，鸭舌﹑大墨鱼﹑五花腩﹑猪颈肉﹑猪手﹑大肠﹑大红肠﹑卤水豆腐﹑卤水蛋…讲得出嘅都有。我哋就点咗牛坑腩﹑鸭舌同卤水豆腐，呢间店嘅卤水汁唔会太甜，咸度亦刚刚好。半肥瘦牛坑腩，虽然相片睇落有好多纹理，但一啲都唔鞋口，相反非常之稔同入味，三样里面最推荐。鸭舌同样入味，肉质入口即融，味道方面个人觉得偏咸。卤水豆腐冇影相，但同样入味又大大块，冇得输！黄金煎蚝饼（＄４９），本人一向喜好煎炸嘢，但好多时都食到一嘴油，呢个蚝饼冇呢方面问题之余外脆内软仲劲足料，蚝仔超多，点埋鱼露真系食唔停口，而且＄４９系有两大块！抵食到爆！我比佢９分，若果内里嘅蛋浆可以再稀少