暌記潮州飯店 (已結業)

～潮州椒酱肉传统椒酱肉做法多元化、每间小店都会有自己嘅秘方、用来佐粥送饭都可以。暌记做法系个人喜爱干身咸香果种、配合灵魂嘅菜脯同虾米仔干炒到干干身、送酒一流。～ 潮州春菜合格，热辣辣、好味道。～ 卤水鹅件普普通通，灵魂嘅卤水汁缺层次、食落满口只有酱油味。～ 乌头鱼饭合格～ 蚝仔粥蚝仔够肥美、灵魂嘅其实系粥入面加咗嘅冬菜头、咸咸香香、带动及提升咗成碗蚝仔粥嘅层次、好味道。～ 椒盐鲜鱿老细舍得用大尾鱿、够厚肉，师傅功夫了得、入口皮脆肉嫩又够松化、好味道。～ 啫啫鲜鸡煲油潹潹、芡汁滑潺潺、真心唔识欣赏、加上过咗火嘅猪润、成个组合系失败嘅、呢个系师傅嘅问题～学坏师。。。～ 白饭中国大米、合格综合系一间用心经营嘅街坊家庭式潮州打冷小店、支持！