潮藝館

营业中

休息中

白色情人节大家都去食西餐，我哋就反而到而行去试吓潮州菜，但系呢间潮州菜一啲都唔失礼，菜式同服务都好好，系一个好好嘅用餐体验！蟹肉翡翠羹 一开始服务员就端上呢两碗蟹肉翡翠羹，汤羹黏稠，里面有少少蔬菜同埋蟹肉，食落好暖胃，最适合呢种凉凉地嘅天气！卤水鹅片卤水鹅片鹅肉好实净，而且每一片卤肉都好入味应该都卤左一段颇长时间先会做到呢个效果，可见系用心花时间去制作嘅！普宁炸豆腐呢个豆腐同以往食嘅豆腐好唔一样，平时啲豆腐都系成嚿软腍腍，但系呢一只就系有少少烟烟韧韧嘅质感，再加上外皮炸过，所以佢有少少脆脆地，口感几特别！碧绿川椒鸡鸡肉有少少辣味同咸味，食落好惹味！喜欢重口味嘅必试！最特别系佢半碟有一啲脆脆地嘅紫菜，食落去感觉好Refreshing ！蚝仔肉碎泡饭呢个泡饭一绝，蚝仔新鲜，肉碎肥瘦适中，最重要系个泡饭汤底好鲜味，算系我食过最好味嘅泡饭啦！燕麦一口薯最后再嚟一个甜品，一口薯甜甜嘅，我曾燕麦松脆，虽然睇落好简单，但系呢个塔配又出奇地match㖞！