四點金飯店

营业中

休息中

今晚唔想煮晚餐，所以我们就到屋企附近食晚饭。 见到呢一间有晚市孖宝，价钱几抵食。金银蒜蒸斑头腩鱼嘅份量好多，有鲜味。啖啖肉，又唔会话太多骨。下面铺住嘅粉丝吸收晒蒜蓉同鱼嘅味道，就咁食好正，我觉得如果用来捞白饭都好好食。鱼腐上汤浸时蔬鱼腐有新鲜嘅鱼味道，我点有少少烟韧口感。上面有好多芹菜拌味，感觉清新。依个菜清清淡淡，又唔会油腻，健康之选。排骨焖煮春菜排骨焖到好林，最钟意食上边嘅炸蒜，春菜其实有啲似菜芯。福果清心丸豆爽潮州糖水最钟意食清心丸，配上绿豆清热。呢个糖水唔会太甜，美中不足佢得热食，如果有得选择冻食我一定会选择冻糖水。餐厅装修好有特色有怀旧风味。