Shining Restaurant & Lounge (已結業)

Book咗枱7点，准时一入到去就见到成场都已经几满(好彩朋友一早订位) 座位之间好宽落，餐厅中间系beerbong枱，旁边仲有飞镖机，有时间可以去玩下。今次同两个朋友一齐黎试新餐厅，一共叫咗三个单点𩠌同一个餐，食完个个都饱到飞起。第一道上菜嘅系佢招牌，白卤水海鲜拼盘，有三款海鲜。鲍鱼同鱿鱼煮得啱啱好，蘸埋个自家整酱更加提鲜，只虾如果帮手除埋壳就最好xd 九宫格就好啱我呢啲每样都想试少少嘅人，可以一次过试晒九种凉伴岀品，其中最回味系中间嘅鲍鱼，鲜甜惹味，亦都好淋身，仲好贴心咁切开咗方便客人分黎食。食食下发现，九格当中有一两款同招牌拼盘一样 哈哈另外 成餐饭上菜效果十足，又有干冰，又有烟熏泡泡，好啱打卡影相。食物质素中上，系几少见嘅新派潮派打冷。