影片
更多
2021-07-18
811 浏览
今日入元朗既主要原因，就系去新顺兴买卤水鹅俾女友试下，平时都间中会特登去买俾阿爸阿妈食，事源系有一次经过附近见到呢间野好多人排队，于是就心中记住，揾次得闲就过黎买，当然啦试过之后真系坚好食，所以就keep 住间中黎买！今次下午4点几到，好可惜冇晒卤水鹅下装买，上装都照杀，但又好好彩仲有两件鸭下巴买，另外再加左猪大肠、鹅肾、鹅翼、卤水蛋同豆腐。基本上，我就连猪手、猪腩肉、鸡翼同鹅肝都试过，所以以下我会推介呢几样必食：1.卤水鹅-呢个真系必食，因为肉嫩又够香，而且卤水味亦好入味，同好多地方既卤水档比较，佢基本上完胜，因为好多档都做唔到咁入味！2.鸭下巴-价胜比之王，因为佢每件$8，抵食夹大件，多肉又爽口弹牙，我见过有个阿叔黎特登买十几件黎送酒饮，同埋通常都好早卖晒。3.鹅肾-卤水鹅肾不单入味，而且非常之爽口，真系送啤酒送白粥都系一流之选，同埋佢入口有鲜味，唔系间间都卤得到呢个口感！4.猪手-非常之大旧，好多肉，而且系好滑好好咬口，唔系果d卤到过晒火，硬角角咁好难食果d，唯一唔好系因为猪手旧骨好大旧，佢计价钱系以重量为单位，咁旧骨都占左大部分重量，所以就唔系咁抵食啰！以上四样我觉得系必食，其
今次下午4点几到，好可惜冇晒卤水鹅下装买，上装都照杀，但又好好彩仲有两件鸭下巴买，另外再加左猪大肠、鹅肾、鹅翼、卤水蛋同豆腐。
基本上，我就连猪手、猪腩肉、鸡翼同鹅肝都试过，所以以下我会推介呢几样必食：
1.卤水鹅-呢个真系必食，因为肉嫩又够香，而且卤水味亦好入味，同好多地方既卤水档比较，佢基本上完胜，因为好多档都做唔到咁入味！
2.鸭下巴-价胜比之王，因为佢每件$8，抵食夹大件，多肉又爽口弹牙，我见过有个阿叔黎特登买十几件黎送酒饮，同埋通常都好早卖晒。
3.鹅肾-卤水鹅肾不单入味，而且非常之爽口，真系送啤酒送白粥都系一流之选，同埋佢入口有鲜味，唔系间间都卤得到呢个口感！
4.猪手-非常之大旧，好多肉，而且系好滑好好咬口，唔系果d卤到过晒火，硬角角咁好难食果d，唯一唔好系因为猪手旧骨好大旧，佢计价钱系以重量为单位，咁旧骨都占左大部分重量，所以就唔系咁抵食啰！
以上四样我觉得系必食，其他就睇你自己既个人喜好啦！不过都系果句，个人口味不代表大众口味，不喜勿插啦！
重有重点系呢间只做外卖，冇堂食架！
卤水鹅、卤水鸭下巴、卤水猪大肠、卤水鹅翼、卤水豆腐、卤水鹅肾
112 浏览
1 赞好
0 留言
张贴
