新順興潮汕滷味專門店

营业中

休息中

今次來到元朗這家出名的滷水店，一磅入門呢，真係被人潮吸引住咗！👀 攪到我都即刻興奮咗起身，頂硬上！一路索食，一路想，喺呢個街角有咁多靚野等緊我哋！我叫咗鵝片、鴨舌同豬頸肉嚟試吓，期待咗好耐！講真，鵝片真係做到外酥內腍，每一啖都食到鵝嘅鮮味，可以話係靚到喊出嚟！😋 鴨舌更加係連個字都咬到韻味，咸香得黎唔膩，真心想大讚師傅嘅手藝好唔錯呀！不過，講到豬頸肉，就嘛嘛哋啦。佢嘅肉質唔夠彈牙，唔係幾有層次感，可能對於愛食滷水嘅老饕嚟講會微妙啲。但總括一句，依家我成日都會掛住呢度嘅鵝片同鴨舌，下次路過元朗，一定會再入嚟光顧！🥢💖

經過聞到好香，呢日又有啲想食滷水 又見到都幾多人買，住喺元朗嘅朋友話佢阿媽都會買呢間食，好啦今日就試吓買返馬鞍山俾屋企食！ $27加咗一粒鵝腎，不過感覺麻麻哋好好味，神就質素OK但係佢啲滷水一啲都唔入味啵啲鴨肉都冇咩鮮味，阿媽食開鄉下靚肉嘅就話呢啲似係雪嘅鴨，唔會話太肥，但係好似冇乜滿足感嘅感覺佢嘅鵝翼都比較細隻，呢個應該係天然嘅小鴨？80幾蚊一隻唔係平，但係都唔貴。叫做見識吓就好了。🙈🙈會配有滷水汁同埋醬俾我哋返屋企自己條

。。。。。。。。。。。。。。。。。。。。上次經過又新街買過一次，覺得唔錯嘅，今日再試試佢，買咗滷蛋，乳鴿，鵝腸，鴨舌，點知今次滷蛋同乳鴿都唔知滷咗幾耐鹹到食唔到，但係照賣比人啦，之後打去舖頭問佢點解今日咁鹹啦 完全食唔到，但係舖頭答案係不嬲都係咁出，冇人話係有問題完全冇確定過個食物品質就話自己冇問題 最後亦冇解決個問題就收咗線啦。商家態度真係有待改善 不過唔會再試。。。。。。。。。。。。。。。。。。。。。

新順興朝汕滷味專門店位於元朗又新街元新大厦九號地舖，如坐輕鐵可在大棠路下車。每逢假日下午，總係有人龍在這兒排隊。 今天我們來買了一個大肝，一條豬大腸，兩片豬頸肉，一件豆腐，加埋合共150元。 當我拿著外賣盒回家途中，外賣盒滲出陣陣的鹵水香味，好想快啲囉返屋企，慢慢嘆吓。豬大腸，中間沒有太多肥膏，很乾淨，而且腸中套腸，非常肥美甘香，滷得很入味，隱约吃到花椒八角的香味。豬頸肉既爽又入味。滷水豆腐又好香的豆香味。

今天是中秋節，我五點鐘去到，只見那裏有很多人排隊。平時週日五點去到， 也未必買到大鵝肝 ，今天放工，只是試試碰碰機會。可惜去到時，我只能夠買到豬耳，豬頸肉，豬大腸。環境:門面有大玻璃櫥窗，可以透過橱窗望到有什麼食物。服務: 有一個女服務員為排隊的客下單。如果不清楚需買的份量多少，那個女服務員很樂意提供一些提議。 那個服務員非常有禮貌，並提出一些好的建議。食物味道:特別欣賞豬頸肉，肉質肥美，當把豬頸肉蘸一些鹵水汁和蒜香醋汁，不单食到肉香味，而且可食到濃郁的滷水味，再加上一点蒜香醋，一點也不肥膩。

七月四日 陰天難得今日不用加班，故走到又新街覓食，打算為今天的晚餐加菜，並探索一下新住處附近的美食。發現之前假日大排長龍的滷水店，今天竟然只有數位客人等候，故走上前對其食品打量一番。其間，有一位男店員出來為我作推介及落單。最終，我決定選擇了吃鵝上庄，148元！鵝上莊肉質較瘦但不會太難咬；滷水味香，卻不會搶走鵝肉的味道，亦不會死鹹且缺乏了滷水香料的風味；沾上店員提供的醋吃別有一番風味，亦很醒胃；稍為挑剔的是鵝件大小不一，如全部都能斬小件，顧客進食時更方便之餘，亦令擺盤整齊。噢⋯吃剩了幾件鵝，只好成為我明天的午餐吧！期待以後在元朗生活的日子。下一次品嚐哪一間食店好呢？你有推介嗎？

而家返工小咗出街食飯，好多時都係公司食，我公司個同事見我好鍾意食嘢，成日又周圍去食，佢話見我疫情後都少咗出街食嘢，咁佢就話佢住喺附近嗰度有一間食滷水嘢好正嘅，而且經常排長龍，所以就順道買埋比我試吓，咁呢個滷又做咗我嘅一餐飯😂—————————我最鍾意食骨頭🦴，食下骨都幾滋味㗎😂而且滷水嘢我都好鍾意食，鹵得好味又入味又有豐富骨膠原的雞腳，仲有鴨舌又係正到暈😋👍⋯⋯不會太鹹味道相當滋味好味道⋯⋯—————————-雞腳好滋味⋯⋯鴨舌夠入味…….😋其實開心🥳簡…單就在你身邊..。食….拍…寫.. 已經成為我生活中的一部份鍾意食..鍾意拍…鍾意寫..留下美食回憶————————-

這間店已開了很多年了，每次經過都會有人在排隊，假日就更多人了！因為這裡的滷水做得特別出色，最喜歡就是豬大腸，完全沒有腥味和臭味，洗得很乾淨，滷水也很入味，再配上酸酸甜甜的醬汁，真的吃過返尋味，好值得推薦”豬大腸”。

今日入元朗既主要原因，就係去新順興買鹵水鵝俾女友試下，平時都間中會特登去買俾阿爸阿媽食，事源係有一次經過附近見到呢間野好多人排隊，於是就心中記住，搵次得閒就過黎買，當然啦試過之後真係堅好食，所以就keep 住間中黎買！今次下午4點幾到，好可惜冇晒鹵水鵝下裝買，上裝都照殺，但又好好彩仲有兩件鴨下巴買，另外再加左豬大腸、鵝腎、鵝翼、鹵水蛋同豆腐。基本上，我就連豬手、豬腩肉、雞翼同鵝肝都試過，所以以下我會推介呢幾樣必食：1.鹵水鵝-呢個真係必食，因為肉嫩又夠香，而且鹵水味亦好入味，同好多地方既鹵水檔比較，佢基本上完勝，因為好多檔都做唔到咁入味！2.鴨下巴-價勝比之王，因為佢每件$8，抵食夾大件，多肉又爽口彈牙，我見過有個阿叔黎特登買十幾件黎送酒飲，同埋通常都好早賣晒。3.鵝腎-鹵水鵝腎不單入味，而且非常之爽口，真係送啤酒送白粥都係一流之選，同埋佢入口有鮮味，唔係間間都鹵得到呢個口感！4.豬手-非常之大舊，好多肉，而且係好滑好好咬口，唔係果d鹵到過晒火，硬角角咁好難食果d，唯一唔好係因為豬手舊骨好大舊，佢計價錢係以重量為單位，咁舊骨都佔左大部分重量，所以就唔係咁抵食囉！以上四樣我覺得係必食，其

這天到元朗一遊，途經這店，看到長長的人龍，又聽到途人說這店天天大排長龍，饞嘴的我當然不會放過。這店沒堂食，只提供外賣，我就買了兩隻大鵝翼和一件大鵝腎。回家尚未到晚飯時候，但已忍不住立即打開一試。滷水香味十足，鵝翼和鵝腎都好吃，沾上除食物附上的滷水汁和蒜蓉醋，味道更好。除了食物質素好，更想一讚店家的安排。在排隊時，已有店員先詢問想買什麼，並把要買的寫在紙條上。進店後，把紙條交給另一店員並付款，店員就會告訴師傅顧客要什麼食物，師傅斬好食物，店員就負責包裝。由於流程順暢，所以減少了輪候時間，而且收錢的和斬食物的不是同一人，比較衛生。下次去元朗，一定會再回頭！

第一，啲滷味全部都乾爭爭，唔夠滷水味，完全唔合格，隻滷水蛋仲要勁淡色，唔講都唔知係滷水蛋第二，賣滷水嘢冇鵝片賣，都已經好鬼離譜，結果買咗滷水鵝，但點知你地啲所謂師傅切嘢都未識切，隻鵝切到勁大舊，仲要「瀨」晒刀，返到嚟要自己用鉸剪再剪返開佢，啲墨魚又切到一舊舊，奇形怪狀，咁唔願意出力切嘢嘅就唔好開舖賣嘢賺錢啦第三，豬脷逼人一定要成條買，邊有人咁賣嘢架？食潮洲滷味梗係想食多啲唔同款架啦，吓吓要人成條買邊會食得晒咁多？價錢又越賣越貴，但啲嘢完全唔值個價錢，根本就係垃圾黑^店

上回講完大同老餅家⁣今次就講下小編會特登入元朗買嘅潮州滷味😋⁣#新順興潮汕滷味專門店⁣位置係大家唔會陌生嘅又新街 😘⁣坐西鐵元朗站轉輕鐵坐一站就到啦⁣小編樣樣都想食😢奈何胃就得一個⁣縱使如此😤每次都最少買兩盒🤭⁣滷水汁同醋分開上嘅⁣⁣新順興嘅好食之處在於滷水汁唔係死咸⁣翻熱後再淋啲滷水汁😍完美😚⁣唔似得紅磡一間老字號滷味😶咸到hihi⁣⁣°°°°°°°°°°°°⁣#滷水鴨 (半隻$75)⁣唔好以為係鴨肉就會好鞋🤤⁣師傅切得薄身 唔會一大舊痴牙⁣⁣#滷水大腸 (一斤$118)⁣洗得乾淨無怪😁味如果切厚啲就更好⁣⁣#滷水生腸 (一兩$8)⁣爽口 無乜特別⁣⁣#滷水墨魚 (一兩$16)(原來影唔到😫)⁣每次必點☺厚切架！⁣好咬勁 堅好食 墨魚味超濃⁣⁣#滷水豆腐 (每件$8)⁣一向都唔算入味 今次依舊⁣勝在抵食 大大舊 豆味夠⁣

頭先睇咗其他負評食評，我都好想寫，不過之前未食，剛剛試過一舊墨魚，可以講吓味道，因為主要唔係我食，老公話想食滷味送麵，佢就話想試下生腸同墨魚，仲有之前買過雞翼都ok好食，過開元朗就買埋。3點幾，都要排隊，門口有個阿姐落order,我問過佢墨魚同生腸最少要幾多，因為都係老公自己一個食，太多食唔晒，阿姐話可以買一両，墨魚一両16，生腸一両16(可能會記錯)，總之我話想試吓，佢就幫我寫住先，仲有2隻滷水雞全翼，9蚊一隻。到我地，斬料個大哥話一両點切，好老實，你先係專業，如果切唔到唔好賣最少一両，你半斤起錶，冇人話你，又易切，又多錢，不過有冇咁多人成日買108蚊墨魚就唔知，生腸就求其抽一抽出黎話最少要咁多，23蚊，我冇窒佢，話好，佢又求其切咗2條墨魚鬚比我，仲唔收我一両咁好添，14蚊咋，差d想請佢飲茶，2隻雞翼就唔洗講啦，佢個樣，唔望都知🙄。我地係咁話當小食，都要55蚊，小食食50蚊都唔係好過份啫，總之就比我強烈感覺佢好唔想做我生意，最好個個買都幾舊水一樣野就啱晒，我去樓吓斬义燒都係差唔多價錢，個司傳仲問我夠唔夠汁，我又唔覺佢d滷味好好生意，只係手腳慢，又搵一大班人"服侍"你，成個流程經過4，

平日中午到這裡買鹵水是不用排隊，六時後已出現人龍，不想排隊的你懂了，當然假日更不用說，我買了鵝翼、墨魚、鴨舌、豬腳，推介前三樣，醃法入味，大鵝翼送飯，滋味無窮，墨魚爽口鮮味，我喜歡這鴨舌，不比台灣鹵天錄差，愛吃鹵水的你怎能錯過，豬腳始終因爲肉太少，外皮入味，肉質則不太入味，口感訪面選鵝翼為佳，其實以往吃過豆腐和蛋，前者濃味，蛋的味道剛好，而且鹵水汁是分開的，如果想再濃味一點，回家可再添鹵水汁一起吃，也有一包魚露，喜歡酸酸醒胃的人也不妨一試！

燒味都寫下食評lol，因為呢間係元朗長期都排長龍，燒味店做到咁多生意，仲要有兩間，睇黎唔簡單，今晚就斬料加餸試下佢！燒味店內外是日星期六晚，人龍唔短，都排左15-20分鐘！價錢可以一件件咁叫，又或者半斤/一斤今次試左一條滷水豬頸肉、兩件滷水豆腐、滷水大鵝翼同一件滷水豬耳，共$68。滷水豬頸肉　$98/斤份量都唔少，但唔算醃得好入味，正正常常無咩驚喜。滷水豆腐  $8/件一件其實算大件，所以收$8/件都可以接受，豆腐當然比豬頸肉容易入味，但對我黎講都唔太夠，不過豆味好出，同埋以硬豆腐黎講唔會太老。滷水大鵝翼  $19/大隻大隻斬開都有5件左右，上哂色，不過冇乜肉食，都係食汁同埋「損骨」為主。滷水豬耳  $98/斤最有嚼勁，豬耳每件都帶有一點肥膏肥肉，有豬耳既彈牙又有肥膏肥肉既咬口，最好食係呢款。我就覺得正常，中規中矩，斬料加餸以呢個價錢食到四款係咁上下，都係街坊味道。