和昌潮小館

营业中

休息中

之前帮衬过佢哋嘅外卖店，最近喺长沙湾广场开咗堂食餐厅，同同事一行八人去捧场❤️午市套餐好多选择，有卤味、炒野、焗饭、潮州粥，适合唔同口味😃我今次食咗鹅片拼墨鱼，鹅片好厚，肥瘦比例适中，墨鱼爽口弹牙，午市套餐，仲送埋菜干汤。同事仲试咗方鱼蚝仔粥，味道不错，不过份量唔系好够大碗。潮式炒粿条份量比较大份，炒起好香，推荐比钟意镬气小炒嘅人士。期待下次试吓其他。不过餐厅位置比较有限，如果繁忙时间同埋人数比较多，要早啲去等位。希望餐厅可以增设遥距取票，令到客人节省排队时间。