潮滙館 (已結業)

呢日接老婆放工，带左她去食潮式打冷，平时她好少食打冷，今次带她尝试下唔同嘅菜式。餐厅布置好传统，职员同顾客好似朋友一样，好有亲切感。黎「潮汇馆」一定要试卤水野，今次点左个卤水拼盘，有卤水腩肉、鲜墨鱼、红肠、豆腐、蛋，分量十足，特别系我最钟意嘅鲜墨鱼，爽滑弹牙，腩肉又唔会太肥，其他都唔错，卤得非常入味。另外一定要试呢度嘅砂锅粥，我就比较钟意食砂锅羔蟹粥，仲可以因应人数多少去选择大、中、细煲，我哋两个人叫咗细煲，份量非常多，可以足够三个人食用，个粥底报道好软绵绵，羔蟹新鲜大只，肉质实又多羔，非常鲜味。另外点左个普宁豆酱通菜，清清淡淡，送粥一流。