影片
更多
2019-07-16
58 浏览
成日听朋友推介呢间舖头食潮州嘢,所以带我屋企人去试下 地点位于2楼 ,装修有啲似竹林小店 。铺头都几好生意,我𠮶日好早去已经有唔少人,一阵已经满座。潮州小菜粉面都会有,当然唔少得大家食开嘅乌头 ,蚝烙,海鲜都有。佢亦有招牌潮州砂锅粥啫啫通菜啫啫通菜要好食, 在于佢要够惹味 另外 菜要刚熟 唔可以太淋 更加唔可以生。呢度做得唔错 , 份量仲有返咁上下!蒜香薯仔牛柳粒炒得有镬气 薯仔粒每一边都系脆嘅, 牛柳粒亦都做到一口嘅size姜葱生蚝姜葱生蚝成煲上 ,好惹味。 蚝唔系大大只个d 蚝 但系就好鲜味 !冻乌头食潮州嘢我成日都觉得要食冻鱼,呢度有乌头&马友选择。 乌头份量好足,我哋四个人食都觉得多, 另外啲肉系结实嘅 唔会削。正宗潮洲冻乌头👍胡椒猪肚汤成日觉得出街应该要饮呢啲汤,因为功夫实在太多,系屋企整实在太烦 。 成个汤一啲骚味都冇 ,猪肚洗得够干净 , 够淋身。成个汤煲到奶白色 , 加埋胡椒香味 。Good! 煎蚝烙佢哋嘅蚝烙系用鸭蛋嚟做嘅,因为会香啲。咬好落好脆, 啲蚝亦都唔会过熟,仲要咬落去系有厚度架。有时出去食蚝烙系薄薄一片,我就比较钟意呢个有厚度既 。正!
地点位于2楼 ,装修有啲似竹林小店 。铺头都几好生意,我𠮶日好早去已经有唔少人,一阵已经满座。
潮州小菜粉面都会有,当然唔少得大家食开嘅乌头 ,蚝烙,海鲜都有。
佢亦有招牌潮州砂锅粥
啫啫通菜
啫啫通菜要好食, 在于佢要够惹味 另外 菜要刚熟 唔可以太淋 更加唔可以生。呢度做得唔错 , 份量仲有返咁上下!
蒜香薯仔牛柳粒
炒得有镬气 薯仔粒每一边都系脆嘅, 牛柳粒亦都做到一口嘅size
姜葱生蚝
姜葱生蚝成煲上 ,好惹味。 蚝唔系大大只个d 蚝 但系就好鲜味 !
冻乌头
食潮州嘢我成日都觉得要食冻鱼,呢度有乌头&马友选择。 乌头份量好足,我哋四个人食都觉得多, 另外啲肉系结实嘅 唔会削。正宗潮洲冻乌头👍
胡椒猪肚汤
成日觉得出街应该要饮呢啲汤,因为功夫实在太多,系屋企整实在太烦 。 成个汤一啲骚味都冇 ,猪肚洗得够干净 , 够淋身。成个汤煲到奶白色 , 加埋胡椒香味 。Good!
煎蚝烙
佢哋嘅蚝烙系用鸭蛋嚟做嘅,因为会香啲。咬好落好脆, 啲蚝亦都唔会过熟,仲要咬落去系有厚度架。有时出去食蚝烙系薄薄一片,我就比较钟意呢个有厚度既 。正!
张贴
