一條腸粉 (已結業)

港式肠粉食得多，但潮式肠粉第一次食🤩！呢间店可以自选配料加落肠粉度，而且加配价唔贵，种类有蔬菜类、肉类、海鲜类，选择都好丰富，可以食到盆满砵满嘅爆馅肠粉，非常满足🥰！我简左嘅配料有生菜、猪润、鸡蛋、叉烧、原只圣子王五大样嘅配料，上碟时配料好足料，望见都已经垂涎三尺🤤🤤，食落味道都好好，口感好丰富，我最欣赏呢度嘅肠粉系即叫即拉，虽然系即做嘅，但上菜速度好快，而且质素好高，肠粉嘅皮拉得好薄，所以食落口一d都唔觉得太厚粉，入口好滑好滑，有种入口即溶同软绵绵嘅感觉，拉肠粉嘅手艺奇高👍🏻👍🏻！呢间餐厅除左食肠粉之外，仲有其他潮汕特色嘅小菜，所以点左潮式狮子头捞饭黎试下，狮子头用铁锅黎煮，所以够晒热辣辣，呢道菜送饭一流！狮子头用左虾米、鱼肉、香菇等材料整嘅，表层煎香左，食落几香口几有特色😍，值得一试！仲有叫到手打牛丸汤，牛丸真系好弹牙，牛肉味好浓郁，每碗有5粒，每粒都好大粒，好抵食！