影片
更多
2006-07-24
11 浏览
一大班人同老友C(俗称HL)补祝生日，同C由大学开始已认识，至今唔经唔觉已经超过十年。昔时同佢与数名损友一齐去落吧饮酒、睇靓女，宜家各人有美相伴。各人工作越来越繁重(尢其是我近年身体差咗好多，好多嘢唔食或者饮得，要减少好多伤身嘅嘢)，工余大部份时间陪美伴。难得大家济济一堂，大声讲、大声笑，一乐也。靓女律师E话想食潮州嘢，问道于我，我就提议德记。其实有几间位于西区嘅潮州嘢都有唔错嘅水准，德记门外经常大排长龙，自然有其致胜之道。我地共有十个人，叫咗以下菜式：1.卤水鹅2.炸蚝饼3.胡椒猪肚汤4.明炉煮乌头5.糖醋面6.炒白菜仔7.海鲜煲8.炸子鸡9.虾枣并墨鱼饼虽然食卤水鹅仲未系时候，但呢味𩠌胜在卤水够味，鹅亦好入味，肉质也不韧，水准唔错；炸蚝饼一碟叠成两层，大大份好够“派头”。饼虽然厚身，但咬落入面唔会水汪汪，值得一赞；胡椒猪肚汤够晒胡椒，饮落好暖胃，但系冬天饮比较合适，天时暑热，饮到成身大汗；乌头几新鲜，肉质鲜甜，好快就食剩棚骨；虾枣并墨鱼饼系招牌菜，果然冇令我地失望，好香口，虾肉配马蹄，够爽脆；墨鱼饼好有咬口。虽然两者都系煎炸嘢，但食落一啲都唔油腻，系我全晚最满意嘅菜式；糖醋面同炸子
1.卤水鹅
2.炸蚝饼
3.胡椒猪肚汤
4.明炉煮乌头
5.糖醋面
6.炒白菜仔
7.海鲜煲
8.炸子鸡
9.虾枣并墨鱼饼
虽然食卤水鹅仲未系时候，但呢味𩠌胜在卤水够味，鹅亦好入味，肉质也不韧，水准唔错；炸蚝饼一碟叠成两层，大大份好够“派头”。饼虽然厚身，但咬落入面唔会水汪汪，值得一赞；胡椒猪肚汤够晒胡椒，饮落好暖胃，但系冬天饮比较合适，天时暑热，饮到成身大汗；乌头几新鲜，肉质鲜甜，好快就食剩棚骨；虾枣并墨鱼饼系招牌菜，果然冇令我地失望，好香口，虾肉配马蹄，够爽脆；墨鱼饼好有咬口。虽然两者都系煎炸嘢，但食落一啲都唔油腻，系我全晚最满意嘅菜式；糖醋面同炸子鸡就失色不少，糖醋面太大块，又煎得唔够实，夹起就散晒，唔合格；有友人事前已提醒厨房要整熟啲炸子鸡，但依然有部份仲未熟，实在唔掂，以后再嚟我都唔会点呢味菜。其余炒白菜仔同海鲜煲比较普通，冇乜特别。最后，记紧要嗌咸柠七，可以降火。
冷气唔够劲，人多时都几闷热。埋单八百蚊有找，几抵食。
张贴