影片
更多
2022-05-03
599 浏览
难得疫情缓和，社交距离措施得以宽松，当然系同家人食一餐美酒佳肴。而私房菜，人流比正常餐厅少，加上好耐都冇食潮洲菜。所以就拣咗食潮味居。上前菜之前，老板娘就比咗功夫茶同小食我地提一提神先，卖相都十分精致。前菜系一道三拼嘅潮洲小吃，分别系香煎牙带鱼、吊筒同家乡千层肉。牙带鱼煎得十分酥脆，外脆内软，调味恰当。冻食嘅吊筒同千层肉亦炮制得怡，好弹牙。到主菜之一，一口鲍鱼拼卤水鹅片。鹅片肥瘦适中，加上卤得入味，必定要连皮一齐食先食到肥瘦均匀嘅口感，而鲍鱼入口弹牙，味道甜甜的，好有趣。之后就嚟咗潮州红烧花胶鱼翅，芡汁做得超黏稠，同鱼翅和花胶融为一体，所以好多人都话潮州的红烧翅是最好吃食完红烧翅之后，老板娘帮我地收拾完，就上咗萝卜灌浆拼手打蟹饼配甜豉油同柑桔柚。萝卜灌浆外围都煎得超脆，但入面嘅萝卜好淋而且唔会一种生涩味，调味非常好。而手打蟹饼配柑桔柚非常夹，同埋超弹牙。差唔多去到尾声，老板娘就上咗古法咸菜笋壳鱼，笋壳鱼肉通常好厚，但老板整到好嫩滑，而且咸菜味道同笋壳鱼好夹，真正大鱼大肉。之后就上咗家乡普宁豆酱焗鲜鸡，味道超香，个煲热辣辣令个酱嘅味超香喷喷。而且个鸡肉好嫩口。最后一道主菜就系潮州方鱼生炒
上前菜之前，老板娘就比咗功夫茶同小食我地提一提神先，卖相都十分精致。
前菜系一道三拼嘅潮洲小吃，分别系香煎牙带鱼、吊筒同家乡千层肉。牙带鱼煎得十分酥脆，外脆内软，调味恰当。冻食嘅吊筒同千层肉亦炮制得怡，好弹牙。
到主菜之一，一口鲍鱼拼卤水鹅片。鹅片肥瘦适中，加上卤得入味，必定要连皮一齐食先食到肥瘦均匀嘅口感，而鲍鱼入口弹牙，味道甜甜的，好有趣。
之后就嚟咗潮州红烧花胶鱼翅，芡汁做得超黏稠，同鱼翅和花胶融为一体，所以好多人都话潮州的红烧翅是最好吃
食完红烧翅之后，老板娘帮我地收拾完，就上咗萝卜灌浆拼手打蟹饼配甜豉油同柑桔柚。萝卜灌浆外围都煎得超脆，但入面嘅萝卜好淋而且唔会一种生涩味，调味非常好。而手打蟹饼配柑桔柚非常夹，同埋超弹牙。
差唔多去到尾声，老板娘就上咗古法咸菜笋壳鱼，笋壳鱼肉通常好厚，但老板整到好嫩滑，而且咸菜味道同笋壳鱼好夹，真正大鱼大肉。
之后就上咗家乡普宁豆酱焗鲜鸡，味道超香，个煲热辣辣令个酱嘅味超香喷喷。而且个鸡肉好嫩口。
最后一道主菜就系潮州方鱼生炒芥兰，老板炒到芥兰好脆嫩而且食落无渣，加上大地鱼淡淡嘅鱼香，加埋一齐啱啱好。
到咗饭后菜，就有潮州干烧双面黄，两面都煎得好脆而入面啲面就弹牙，加上白糖同老醋，食完咁多道𩠌之后可以无咁济。
最后嘅最后就系潮州香葱反沙芋同冰冻提子，最后老板有出嚟同我哋倾计，话今日嘅沙芋唔靓会回水，炒唔出沙粒感，但糖衣非常薄脆均匀。而且提子雪得啱啱好，唔会出水变淋，超脆口。
张贴
