影片
更多
2012-06-04
66 浏览
我响长沙湾返工，平时lunch都系饮茶or茶餐厅就算，今次终于可以食到好野。呢间叫潮汇馆，去到铺头就见门口都贴左好多杂志既介绍，呢度都几多特色野食，例如生腌赖尿虾、肉酱粿粉…我地一行4个人，系lunch时间，所以都有午餐，价钱都系三十几蚊，食茶餐食到闷食下蚝仔粥都几好。第一样上菜系鹅片并墨鱼，见相中鹅片铺得高高的，但都系面一层啦，下面系墨鱼同豆腐。墨鱼无染色，一样都系肉质实净爽口，配上卤水汁，呢个墨鱼几分钟清晒；鹅片肉质尚算嫩滑，个卤水汁唔系好咸，鹅片索晒汁黎食，食到肉质嫩，鹅皮脂肪滑，不错不错。第二样系老细推介既普宁炸豆腐，话用特制豆腐做，出面食唔到既，上到枱又几靓㖞，炸得件件金黄色，食时可以点汁，减低热气之余又酸酸地，唔会净系食豆味咁寡。食落去外层脆脆地，好香口，咬落去入面又好滑，软淋淋，豆味浓，有D似炸鲜奶既口感但换上浓郁既豆味。做得不错，虽然系炸但唔觉油腻。一食再食，好彩份量够大，4个人都唔驶争！跟住炸蚝饼，呢个浆炸得好食，呢个浆做得比较厚身，侧面睇厚度似pizza薄批，食落烟烟韧韧，唔似出面一般整完似中式薄饼，份量又够大，成个pizza咁大，蚝肉既份量唔算多，但可接受啦，蚝味
呢间叫潮汇馆，去到铺头就见门口都贴左好多杂志既介绍，呢度都几多特色野食，例如生腌赖尿虾、肉酱粿粉…
我地一行4个人，系lunch时间，所以都有午餐，价钱都系三十几蚊，食茶餐食到闷食下蚝仔粥都几好。
第一样上菜系鹅片并墨鱼，见相中鹅片铺得高高的，但都系面一层啦，下面系墨鱼同豆腐。墨鱼无染色，一样都系肉质实净爽口，配上卤水汁，呢个墨鱼几分钟清晒；鹅片肉质尚算嫩滑，个卤水汁唔系好咸，鹅片索晒汁黎食，食到肉质嫩，鹅皮脂肪滑，不错不错。
第二样系老细推介既普宁炸豆腐，话用特制豆腐做，出面食唔到既，上到枱又几靓㖞，炸得件件金黄色，食时可以点汁，减低热气之余又酸酸地，唔会净系食豆味咁寡。食落去外层脆脆地，好香口，咬落去入面又好滑，软淋淋，豆味浓，有D似炸鲜奶既口感但换上浓郁既豆味。做得不错，虽然系炸但唔觉油腻。一食再食，好彩份量够大，4个人都唔驶争！
跟住炸蚝饼，呢个浆炸得好食，呢个浆做得比较厚身，侧面睇厚度似pizza薄批，食落烟烟韧韧，唔似出面一般整完似中式薄饼，份量又够大，成个pizza咁大，蚝肉既份量唔算多，但可接受啦，蚝味重，好食，我一个人都食左2件pizza咁大既份量！之后我地本来想试肉酱粿粉，但已经卖晒食唔到，下次先再试喇，咁我地就叫水打面，普普通通咁啦，似粗身少少既拉面，另外叫左2个午餐既方鱼肉碎粥同瑶柱三丝粥，2个虽然午餐价，但都足料，但因为午餐时间比较短都唔可以慢慢叹，下次再黎食！
另外最窝心既系，我好钟意食狮蚶，但叫一份得我一个人食又食唔晒，讲笑咁问老细可唔可以叫1/4份（），估唔到老细话不如我送一份比你试下啦，哇，超开心，而且呢度既狮蚶系已经开左边，唔似得其他地方要自己落手开壳，D类似血水既物体整到污污糟糟，连我同事见到已经开左边都同我争食。虽然狮蚶size比较细（唔知系咪送既关系）但连埋个腌料咸咸地带出狮奄既鲜甜，系超鲜甜！而且经我真人测试，完全无肚痛，下次叫份大既再食！呢度食物好食，但份量稍大，最好系4个人以上一齐黎食！
张贴
