Shining Restaurant & Lounge (已結業)

早排听到朋友讲起佢公司附近有一间新开嘅酒吧但系食潮州菜既，呢个组合都几搞鬼下，于是呢个星期就约左佢去食饭啦。唔讲唔知，听侍应讲原来呢间餐厅系有米之莲名厨坐阵架！我即刻期望高咗！话梅车厘茄 $58上枱𠮶阵有埋干冰出晒烟嘅效果就知佢一定好冰凉啦！啱晒夏天食，食落酸酸地甜甜地，好开胃解渴。冻乌头 $108平时食潮州菜都会食大眼鸡，今次就试吓乌头啦，我都好钟意乌头嘅。条鱼已经帮你起咗骨，基本上你可以大啖大啖咁食鱼肉，鱼肉鲜嫩，佢跟个豆酱食落咸咸地，点少少酱已经好够味。招牌白卤水海鲜拼盘 $1984款海: 海虾,大墨鱼,大蛏子,鲍鱼真系未试过食白卤水配海鲜，呢个白卤水系餐厅自家调制嘅，估唔到配落海鲜到又几夹啵。但唔系个个人都接受到白卤水嘅味道，佢另外有配一个泰式海鲜酱既，点呢个酱食都好味。当系多一个选择。卤水鹅肉 $128个卤水汁整得几好，咸度适中，鹅肉半肥瘦，岩晒我食。卤水豆腐 $28以呢个价钱黎讲，个份量真系好多！豆腐嫩滑。卤水蛋两只 $16啲蛋卤得好入味。