一芳台灣水果茶 (已結業)

香港今年潮流兴返台式饮品, 台式饮品店开到成行成市。至于出哂名水果茶的一芳, 亦系今年系香港不同地方狂开分店。咁岩公司楼下开左一间, 于是趁下午茶就落去买杯野饮饮。今年香港亦好兴「黑糖珍珠」, 例如老虎堂、珍煮母等台湾名店亦陆续系香港开店。小弟贪高兴, 又试下一芳的「黑糖珍珠奶茶」。原来贪健康, 想叫半糖少冰, 不过侍应哥哥话「黑糖珍珠奶茶」的糖冰份量系set好左, 无得自选。我为免中伏, 只叫左杯M size黎试, 价值HK$30。话平唔平, 话贵唔贵啦。但中上环的地方, 系差唔多咁既价钱。一拎起杯野, 感到暖流, 应该系黑糖的缘故。上返公司先饮。摇一摇杯野, 第一啖入口, 好甜呀.......再饮多几啖, 先觉得味道正常。佢D珍珠系细粒个种, 几Q弹, 亦有黑糖味。口痕食下系几过瘾的。不过呢杯野败北在于个奶茶, 唔系我杯茶啰, 个口感唔好之余, 味道系好化学的奶茶, 加上黑糖的甜味, 做得完全唔夹。而且我叫冻黎饮, 但可能因为黑糖的热度, 令杯野好快就无左凉快的感觉, 好快D冰就溶哂, 变左室温饮品。唔.....我觉得其实系中伏的, 可能一芳真系只有水果茶出名。黑糖系列, 真系唔好