潮福蒸氣石鍋 (已結業)

衬天气味系好热， 就想去食多次火锅， 约咗朋友去大埔食潮福。拣咗个火锅套餐， 有海鲜拼盘， 上等肥牛， 龙趸，海虾，桶蚝，贵妃蚌，圣子等等， 啲海鲜好新鲜， 海虾种好生猛， 桶豪大大只，贵妃蚌仲开合开合嘅， 非常好食呀。又有三文鱼刺身同象拔蚌刺身， 刺身好鲜甜， 食完仲有任点menu， 选择好丰富，有黑毛猪啦， 肥牛啦，羊肉啦，鸡肉啦， 仲有好多好靓嘅手打丸， 各样嘅蔬菜应有尽有，好味好味。服务方面，上碟都嚟得好快， 又好快帮我换碟， 服务好周到， 价钱百几蚊， 食到咁多海鲜同任食嘅自选菜式真系好抵食呀。