潮福蒸氣石鍋 (已結業)

既然去到大埔，食左个咁好食嘅下午茶，估计夜晚会有更多更好食嘅，闲逛到7点就开始揾食，见到潮福蒸气石锅就比佢吸引左，而且门口已经好多人排紧队，咁多人帮衬，肯定会有好嘢食喇。第一次见有用草帽仲可以咁用，觉得好新奇，呢间店好多海鲜供人选择，今日我同阿妺就食豪D，点左好多海鲜，花竹虾好贵，但食完后我都觉得好值，虾身仲长过部手机，只只都粗过手指，新鲜度上台都仲识跳，肉果然好鲜，好清甜，好有嚼头，可以讲有D爽口，靓。美国大石蚝比本地嘅要肥美好多，肉厚味美，就算唔放任何调味料，只放姜葱去腥都会觉得好正，鲜味好足，蚝肉爽脆，而家正系食蚝好季节，就显得更加无比美味。龙趸斑片都好吸引啊，鱼肉嫩滑鲜美无比，胶质多，女仔食左可能会特别起美容作用，味道好。食左甘多肉，最后食返个胜瓜嚟平衡下先，蒜蓉蒸胜瓜，最普通嘅做法，但却最能带出胜瓜嘅清甜，胜瓜好新鲜，好甜。