潮福蒸氣石鍋 (已結業)

今天同S妹过来新浦岗，发现呢边有一间潮福蒸气石锅，对呢度既海鲜真系念念不忘咯。S妹都话好耐无食海鲜想试下，于是我地决定入去食返餐，我地懒得自己慢慢拣，选左一个蒸气锅海鲜餐，里面有龙虾、鲍鱼、花蛤、鸡同埋时蔬，配料自己随意搭配。由于我之前有食过，已经比较老手了，所以点样蒸法都系我来包办，先蒸左个龙虾先，蒸出来既肉质饱满弹牙，好爽嫩。鲍鱼蒸果时比左小小虫草花一齐蒸，结果食落又几好味，鲍鱼肉质爽口之余有D虫草花既清甜，店家处理海鲜的手法好好，食甘多次都无食到好海腥味。花蛤当然唔少得粉丝蒜蓉呢两个好基友喇，甘样既搭配真系百食唔厌。至于滑鸡想蒸得健康最好就加红枣虫草花喇，店家都识得药膳搭配，所以次次都可以蒸到一锅清香嫩滑的鸡肉煲出来。至于时蔬蒸出来之后依然爽嫩新鲜，就算唔加酱料都已经好清甜了。今次S妹食得好满意，话我无介绍喔，下次都要带佢帮朋友过黎试下。