影片
更多
2016-04-11
568 浏览
今天同朋友过咗嚟大埔shopping，晚上行到攰攰哋，见到前面有间潮福蒸气石锅店，佢哋嘅海鲜睇落好新鲜生猛，于是决定入嚟食餐海鲜填下肚。我哋等位果阵留意咗一下食咩海鲜，等咗无几耐就有得埋位喇，拿拿霖点咗岩岩睇中嘅瑶柱鲜淮山粥底(两个人要咗个中煲够晒)，蒸象牙蚌仔(半打)，蒸龙趸斑片同埋花竹虾。点完隔咗10几分钟就布好菜了，因为其他海鲜要先蒸5分钟，我哋就先蒸咗𠮶半打象牙蚌仔，一路食住𠮶瑶柱鲜淮山粥一路等佢蒸好，瑶柱鲜淮山粥配料好足，一粒粒完整嘅干瑶柱加新鲜淮山，煲得d淮山好粉同埋粥底好浓稠，入口香绵。象牙蚌仔嘅做法同平时食开嘅差唔多，粉丝蒜蓉调味，我中意放多点蒜蓉咁样食入口蚌肉同蒜香混合搭配嘅感觉真系人间美味。之后蒸埋碟龙趸斑片同花竹虾，龙趸斑切嘅厚薄岩岩好，蒸出来之后鲜甜爽滑，好惹味，花竹虾成只手掌咁大，食入口啖啖肉，肉质爽嫩，果然侮新鲜挑选出来嘅，无得弹。朋友同食到lep lep脷！
我哋等位果阵留意咗一下食咩海鲜，等咗无几耐就有得埋位喇，拿拿霖点咗岩岩睇中嘅瑶柱鲜淮山粥底(两个人要咗个中煲够晒)，蒸象牙蚌仔(半打)，蒸龙趸斑片同埋花竹虾。
点完隔咗10几分钟就布好菜了，因为其他海鲜要先蒸5分钟，我哋就先蒸咗𠮶半打象牙蚌仔，一路食住𠮶瑶柱鲜淮山粥一路等佢蒸好，瑶柱鲜淮山粥配料好足，一粒粒完整嘅干瑶柱加新鲜淮山，煲得d淮山好粉同埋粥底好浓稠，入口香绵。
象牙蚌仔嘅做法同平时食开嘅差唔多，粉丝蒜蓉调味，我中意放多点蒜蓉咁样食入口蚌肉同蒜香混合搭配嘅感觉真系人间美味。
之后蒸埋碟龙趸斑片同花竹虾，龙趸斑切嘅厚薄岩岩好，蒸出来之后鲜甜爽滑，好惹味，花竹虾成只手掌咁大，食入口啖啖肉，肉质爽嫩，果然侮新鲜挑选出来嘅，无得弹。朋友同食到lep lep脷！
张贴
