好好運快餐店 (已結業)

成日睇foodie都有讲呢间嘢，又咩沙嗲牛肉面关注组最top, 终于揾咗个星期六朝早去潮下圣。星期六约咗老豆老母一齐去试呢间沙嗲牛肉面，9:10去到，门口条人龙兜咗三个弯😨最尾9:45先有位，我都估到星期六会多人去，但估唔到真系多人到咁，一入到去就知点解，原来佢舖面好细，好在流量快，大家食完就闪，如果唔系真系热死门口排队啲人(未食已经成身汗)入到去睇完餐牌，我哋三个一致叫「沙嗲牛肉、红肠、煎蛋🍳面」、另外叫咗一份奶油多同一份奶酱多。沙嗲牛肉浓到一个极致，有蒜味，牛肉算嫩，唔柴皮。红肠系厚切，有炸过，非常香口，仲有两大块(真系好厚切)。煎蛋系㶶边蛋但蛋黄流心，非常有心嘅出品👍🏼三𩠌听落好似正正常常，但食落个份量都几劲。奶酱多有烘底，系薄多士，奶同酱都好香，如果唔系劲饿可以唔洗加，因为个三𩠌面都好够饱。餐茶我哋叫咗冻柠茶、冻奶茶同冻啡，我杯冻柠茶正常无乜特别惊喜，老豆杯冻啡就唔够啡味，老母杯冻奶茶就太过奶最结：我本人都几钟意好好运嘅沙嗲牛肉，食得出佢好有心机调配过个汁，而其他𩠌都唔系一般茶记hae畀你嘅水准。一个三𩠌餐连热饮只系$37，冻饮仲要只系加$1！我同我軘母都觉得呢件事好匪疑所思！