梅花邨小館

营业中

休息中

之前一直想试好耐，今日虽然好晏先起身，但都的起心肝4点几黎左当埋晚餐咁食。一开始就会有酸菜食，感觉好清新酸酸地好开胃，就黎食哂先记得要影低佢。椒盐鲜鱿炸得好松脆，鱿鱼新鲜可口热辣辣、烟烟韧韧有咬口，椒盐味亦都好足，点小小醋更美味。豉椒炒鹅肠个汁好浓郁美味，有豉椒既香味，鹅肠好爽口弹牙，加埋其他配料都好入味。招牌沙嗲牛河主要用沙爹酱炒牛肉同河粉，每条河粉都挂满酱汁，浓香的沙嗲酱沾满每一条幼滑的河粉，牛肉鲜嫩。整体黎讲食物质素都好高，想食潮菜可以黎一试，食物种类都好多。