鬼滷 (已結業)

今时今日去铜锣湾食打冷都可以‘潮’得起，这间餐厅装修比较新派，有好多摆设，完全系‘潮’食潮州菜，适合后生仔，睇住个好开扬嘅夜景，听住有节拍嘅音乐食卤味，都系第一次体验。餐厅前菜，有个爆谷俾你，几有趣！朋友想食些菜，所以叫咗个八爪鱼沙律，味道好西式甜酸汁，八爪鱼嘅份量好多。每台必叫卤味拼盘可以拼三款至五款，$238同$298嘅分别。鹅片上枱份量都几多，鹅肉处理得几嫩滑，入口有卤水陈香，呢度嘅卤水唔算太咸，觉得唔够咸，叫了侍应俾些鱼露或醋汁提味。猪仔髀共有三只，份量非常之大，食物是分开卤水处理，所以猪仔髀一咬，髀肉即刻可以撕开，味道唔会死咸。鹅肠值得一赞，肥膏都已经处理掉，所以剩返爽脆嘅外皮，入口一啲都唔韧。猪腩肉睇落好邪恶，但入口爽脆，切得够薄身，所以够入味。猪肚入口爽脆，够弹牙。再叫咗个蚝仔粥$108，蚝仔非常之饱满，粒粒都系胀卜卜，非常鲜味，旁边嘅配菜芫荽葱及冬菜，鲜味十足，分量啱啱好。