Veggle Cafe (已結業)

一向大鱼大肉嘅都市人，出街多数食肉多过菜。想要清清肠胃，食素都可以好潮好滋味。大型超市内各款沙律卖相都好吸引，可惜细细份都好贵，唔系平民俾得到。东广场哩间食素嘅小cafe绝对系CP值高呀！假日午餐有set拣，包一份自选沙律，餐汤及饮品，唔洗加一。餐汤温度够热，而且好足料，食都一粒粒薯仔。餐汤系印度风味，比较少见，唔系一般红白汤。未食主菜已经惊喜十足。招牌糙米汉堡个人认为一般，可能系食惯肉，始终由糙米造成嘅汉堡扒口味会差一点。虽然口感欠奉，但有调味搭救，整个汉堡食落好清新。跟餐嘅蕃薯条够甜，唔洗点酱都得。唔会炸到好脆，食落健康唔热气。每个餐都会附上一小份沙律，个沙律汁好清新。自选嘅彩椒腐皮沙律好惹味，好香麻油但又不太腻。烩杂菜配热藜麦系推介之选。杂菜用料丰富，有椰菜花，蕃茄仔，彩椒，菇，栗子等。最正系个汁，少少印度咖哩味，但一点都唔辣，相反清甜。捞埋藜麦食，好夹。而且一向食沙律都系冷，哩款热食好啱食唔惯生冷嘢嘅朋友。自选沙律系蘑菇冷面，系饱肚之选，个汁又系好正。虽然成餐都只系食蔬菜，但配上唔同嘅酱汁同煮法，食材都发挥出不同嘅味道同口感。因为整个用餐过程都系味蕾上嘅享受。今餐真系食得满足又