漁民麵館 (已結業)

「渔民面馆」由元朗开到荃湾甚至尖沙咀，发展得好快。日前下午茶时段经过其荃湾分店，终以可以试吓其食物如何了。未来过亦听闻此店主打花胶，看menu得知桃胶亦是其重点推介，便叫这两样东西吧。先来一个花胶蚝汁捞粗（面可选粗或幼面），唔错。一般来说呢个价位的便宜花胶，十居其九都系鳕鱼胶，此店亦不例外。总算店家都会比三四块比你，唔算寒酸。虽然旧花胶唔系厚，加埋个汁唔系好杰，但都挺入味爽弹，配粗面捞埋啱晒。反而觉得件花菇比花胶更好味，相当厚身，虽是配角，但却令我有惊喜。甜品则食个桃胶奶冻，桃胶滑滑的有点像燕窝，功效差唔多，但便宜多了，至于奶冻本身好滑溜，又唔系过甜，不俗。