漁民麵館 (已結業)

朋友推介呢間平民花膠王叫左花膠撈麵。。好多花膠。。花膠雖然細細塊。。但膠質重。。味道正，冬菇厚身又好味。。配碗请湯。。。好正牛麵。。牛厚肉。。入味。。麵身爽口。。正碗仔翅係即叫即煮。。。要等十五分鐘。。仍用料绝不馬虎。。花膠絲，云耳絲，肉絲，，，加上 用醋去調味。。味道提升不少。。一碗兩個人食。。加埋碗麵啱啱飽今次未有機會試埋D餃。。伹目測好多人叫。。估計又係好味之選後記:新年後見荃灣店好似装修中，用紅纸封了牌片，，希望只係装修

入荃灣同好朋友同bb 一齊食飯，試下D未食過既野先，好友曾經經過想試.. 但係最後無，所以今次同佢一齊試下..係門口望入去無咩人食，我仲諗會唔會好差，服務唔好或者污糟等等。。。。。本來個職員想bb車放出面，但係最尾有枱客走，佢話可以去果個位坐，又問我地怕唔怕近佢地後巷開門會有風，坐低左，又有枱客走。。果個位好好呀，放到bb車之餘仲無風，唔太凍。。 佢地服務唔錯~我同個fd都係叫花膠海參米粉，花膠碗仔翅一人一碗同埋桃膠糖水兩份食。。花膠海參米粉 - 花膠好大隻，不過好爽，又唔夠膠，雖然係渣野； 海參林滋滋，應該都係好渣，又細舊，但係呢個價錢真係抵，平民食算唔錯。。 雖然呢兩樣都麻麻，但係舊冬菇勁正，又大粒又入味，又夠林，好正正，反而想佢比多幾粒冬菇可以話係變左成碗既精髓.. 哈哈~~~~~~~碗仔翅 - 都幾"杰", 同埋好似普通左少少， “杰”到有d“漏”，同埋咸左少少。。 如果再黎，唔會再食碗仔翅。桂花桃膠糖水 - 仲以為係熱，原來係凍。 第一次食桃膠，好“杰”好膠。 桂花味同甜味都正常，個味岩岩好。 如果係兩個人食一碗就岩岩好，如果一個人食一碗，略嫌會“辛苦”左少少。雖然份量唔多，

食完飯後甜點先食正餐，第一餐就食豪氣d💪🏻💪🏻,就食花膠湯麵🍜及海參撈麵。海參好淋，冬菇都好淋，加上醬汁，好好味😋碗湯都幾好味花膠湯麵🍜湯底同撈麵一樣。但湯麵無醬汁味道無咁出眾，花膠都幾好，整體上不錯。價錢中規中矩。

今日繼續去試路德圍的餐廳，今次是這一間漁民麵館。晚上8點半到，不用排隊。之前聽過別人說這一間餐廳的宣傳也做得不錯，加上有數間分店，主打是用花膠為食材。我分別點了花膠湯麵及漁民湯麵(本身想叫花膠冬陰功米線及一些小食，但大部份都賣完了)。其實花膠湯麵及漁民湯麵分別是漁叫湯麵多一條海參，但麵內的冬菇相對細了。麵內有花膠(分量都比預期大，味道是不錯的)，冬菇(非常入味，全個麵最好食的食材)，海參(只有一小條，但很彈牙)，麵(可選不同的麵。今次我選了粗麵，正正常常)，而湯則是一碗麵的靈魂，今次這個湯相對淡了一點，但本身不好濃味及味精，這個味道幾適合我。整體上味道的確是幾好食的。有機會下次會試試它的其他招牌小食。

花膠蠔油撈麵 $48花膠雞絲魚翅 $38想用唔過$100嘅價錢食到鮑魚、花膠同魚翅?而家已經有兩間分店嘅漁民麵館絕對幫到你🤤食完撈麵之後仲可以去路德圍食返碗$3豆腐花添-一上枱嘅時候小編都不禁嘩咗一大聲，因為真係好少見到啲餸仲多過啲麵，成碗都係滿滿嘅花菇同花膠，特別係嗰個花膠爽脆之餘好有咬感，另外個冬菇完全索晒蠔油同埋好淋，而且如果你買撈麵嘅話佢仲會附上一碗高湯俾我哋撈麵食，就咁飲落去唔會覺得口渴同埋飲到好濃嘅胡椒味-而花膠翅個方面呢就咁樣睇就見到入面會有花膠、雞絲、翅、冬菇同木耳，所以口感好豐富，而翅嘅花膠會同撈麵嘅花膠有少少唔同，翅既花膠會比較滑身同淋身，另外可能係因為加左花膠嘅緣故多咗骨膠原，呢度嘅翅係會比較黏口，就算放耐左都冇變稀，讚🤤👍🏻-呢間鋪頭嘅CP值真係好高，小編同男朋友嗌咗呢兩個就已經飽到碌走咗，而且呢間鋪頭一啲都唔孤寒，樣樣野都好足料，呢啲咁有heart嘅香港小店係值得我哋去支持嘅 💪🏻

友人話呢間舖新新地未食過而入便既嘢食好似唔錯咁更加以花膠嚟做主打, 重點係價錢唔貴!😍所以就提議搵日去食 , 我就話擇日不如撞日!🙆🏻‍♀️可能晚飯時段關係都要等咗一陣係佢舖頭個櫥窗前諗定食乜我就諗住叫「花膠蠔汁撈麵」💲48友人就話要「花膠湯麵」💲38如果係湯,佢有4種麵款比你揀, 粗麵/麵/米粉/河粉而撈就只得粗麵同麵, 我同友人都係決定要粗麵撈麵同出面個啲都係一樣, 會另外提供碗湯比你撈我平時係倒好少就覺得足夠, 因為通常都會好咸🙈碗花膠上枱個時, 賣相絕對唔差, 花膠大大塊又有大大粒冬菇, 絕無欺場!😛👍🏻雖然花膠入口唔係話好滑, 但其實個口感幾好煙煙韌韌咁,仲鬼死咁入味添😋冬菇亦燘得軟身, 整體嚟講, 呢個價錢係抵食既!好食度:😋😋😋😋而友人亦大讚佢碗粗麵好好食一樣既配料只係由撈換成湯.加上佢個碗仲要平10蚊, 又有花膠冬菇食, 好食度:😋😋😋😋下次一於要再嚟幫襯!

花膠蠔汁撈麵：蠔汁味不夠，有点淡。麵質(粗麵)冇問题，份量可以。花膠比較醉散。味道好味。份量可以。環境:平日二点多來，人不多，好少。坐得幾舒服服務：可以的。算有礼。會再來試其他。。。

呢間漁民麵館由元朗開到出嚟荃灣，其實九龍尖沙咀嗰邊仲有一間，之前一路睇各大媒體介紹佢嘅花膠面點點點好食，好鍾意食花膠呢類膠質嘅我一直都好想試，但係要我入元朗又實在太遠😂我又懶... 當佢嚟到荃灣就帶上爸爸媽媽一齊去試， 補充骨膠原。呢度嘅食物唔貴，雖然如果係花膠面，價錢唔係真係一個可能食到嘅花膠嘅價錢，但係用料絕對唔差。花膠同冬菇炆得好入味，佢啲麵都可以索曬花膠啲汁，食出淡淡精華。當然佢仲有其他創意嘅食物，例如將花膠打入丸類度，變成花膠墨丸。鍾意佢裝修簡單，而佢嘅餐牌設計亦都花過心思去諗，雖然食物款式多，但係主要都圍繞佢花膠做主題，令到上菜速度唔會好慢。呢間係會翻桌嘅餐廳😉

今晚去荃灣探病，一個人快閃晚餐，見到漁民麵館原來荃灣都有分店，就補下膠先！來到漁民麵館，梗係點招牌花膠撈麵$48，今次叫咗粗麵。料比麵多，花膠煮得夠淋，有幾大片，花菇有五大粒，粒粒厚肉，好香菇味，性價比極高！加$6蚊有豆漿，大大杯，豆漿味道不會太假！另外點了上湯雞絲魚翅$28足料雞絲翅，啖啖雞絲、冬菇絲，而家D小食店外賣都成廿蚊碗，堂食賣到呢個價錢真係好難得！食過幾間分店都保持到水準，冬天來臨，幾十蚊快閃補下的確不錯！

補寫返個食評先。我地係10月15日晚上去食的，當晚佢地店面仲停電我細妹係個頭返工成日叫去試下，咁咪試囉價錢係反映質素架啦，但個碗碗仔翅，真係不得了，唔好食真的。可能佢地未整過，木耳同肉絲切個大大舊，邊係咁架？同入到去好像無乜招乎，咁我都明咁既價錢想點？但比杯水飲下都無。。。。個碗上湯咸到死呢，有樣讚的雲耳不錯。但我地三個女人可能沒有叫太多，好像不揪不彩咁，叫比多小小就變面，邊得呢？ 下次不會吃一定。

之前老婆同我講話荃灣有間食花膠既麵舖幾好食，仲要係我地頭荃灣喎，即刻同埋老婆去試下，花膠我同老婆都好鍾意食。【花膠蠔汁撈粗麵】$48花膠撈麵出場喇，可能本人比較喜歡花膠係撈麵多些。所以我叫左個花膠蠔汁撈麵，因為它配上有花膠味道既濃調汁係麵上，所以令到個撈麵升華。主角花膠超爽口又彈牙，冬菇又夠大隻又稔，真係好味！【花膠雞絲魚翅】$38最愛碗仔翅既我， 當然要喺度食番碗花膠雞絲碗仔翅啦。出面街邊依家都要廿幾蚊碗，漁民呢一碗只係賣38蚊，真係超值。 非常足料，仲有大量雲耳雞絲同花膠！超正！假如喜歡食花膠既人可去試下，值得推介!

花膠湯麵🍜$38一直想去試，但始終未去過元朗總店，不過咁啱經過荃灣見到有分店，就入左去試一試🙈湯底味道比較偏淡，雖然夠原汁原味，如果再濃郁啲，感覺會更好。花膠我就覺得薄左少少，無左平時食花膠個種好厚身既感覺😂

秋風起又開始要好好保養皮膚，我當然由食物開始好好進補一下，今晚同老公去屋企附近食返啲花膠補充下骨膠原先!7點左右到，人客不算太多，可能時間比較早，店家新出了新menu，而海參，花膠配搭其他店家自家製手打黑魚丸同鯪魚球，不時推出新食物，保持新鮮感，抵讚！花膠湯粗麵花膠份量多，而花菇又好大粒，花膠軟滑又淋身，膠質重，花菇炆到非常入味又多汁，鮮味仲夠，超正！粗麵爽口彈牙，有水準！秘製辣醬拌皮蛋辣醬惹味又夠辣，非常刺激，而皮蛋蛋黃流心，味道甘香。凍鮮奶桃膠桃膠似啫喱質感，食落滑嘟嘟，但好滋補，效果可以比美花膠，所以近排大hit , 鮮奶香濃，味道不太甜，好清甜，正！今晚仲唔一次過補返夠本，而且價錢不太貴，員工又有禮貌，荃灣又多一間私家食堂！

$48 一個花膠蠔汁撈麵🍜好抵食荃灣區食肆之多，真係想食乜有乜。漁民麵館開了一段時間我都未曾試過。今天跟朋友看完電影便一齊去試下，原本想叫兩個不同的來試下，但兩人都心儀 花膠蠔汁撈麵，那便一齊叫啦。我們又叫了一客桂花皮蛋酸薑，皮蛋是糖心的，冇灰味，酸薑也不錯，爽口酸甜適中，精髓在於桂花，既可點綴，又可增加香味！花膠蠔汁撈麵，先講個麵，我哋都選咗粗麵，麵質爽口，有幾朵厚肉冬菇，燜得稔滑入味。花膠是用北極圈鱈魚花膠，即鱈魚魚鰾，他們很用心去處理，炆得夠火喉也不過火，不會有腥味，重膠質 有口感，但食療價值不高，四十多元便享受到有4隻花膠的撈麵真是值得一試再試，難怪分店越開越多。

📸#tagnshare荃灣篇-《貴野平食🍜》終於到我食花膠麵啦!! Yea!! 最近先發現係荃灣路德圍都開左漁民😮 梗係要食主打既花膠蠔汁撈面($48) ，花膠雖則唔jam但係爽口，份量多到鋪滿哂係啲麵上面，配埋炆冬菇既汁嚟撈麵👍🏻 仲有海蔘湯麵($48)，海蔘炆得夠哂淋!! #重點又來了 係厚肉冬菇， #冬菇控 表示好滿足😋 性價比🆙🆙#荃灣美食 .🙋🏻‍♀️高妹小編-👇🏻地址👇🏻.漁民麵館 (荃灣)荃灣大河道22-28號榮安大廈地下G舖-#hk #hongkong #hkig #hkfood #hkfoodie #foodpics #foodbloggers #香港吃貨 #uhkfood #foodig #香港美食 #相機食先 #hkfoodieblogger #hkfoodblogger #LikeForFollow #FollowForLike #HK #Mood #HongKong #LikeForLike #FollowForFollow #手機食先 #Likes4Likes